Mandrakelinux instalatzeko argibideak

Instalatzeko argibideak

Beharrezko konfigurazioa

Pentium prozesagailua edo bateragarria
CDROM unitatea
Gutxienez 32 MB RAM, 64 MB gomendatzen dira

Gehienetan, Mandrakelinux instalatzeko, CDa CDROMean sartu eta berrabiaraztea besterik ez da egin behar. Mesedez jo 1 puntura.

OHARRA:

Mandrakelinux 7.x, 8.x edo 9.x bertsioetatik eguneratzen baduzu, ez ahaztu zure sistemaren babes kopia egiteaz.
Bertsio zaharragoetatik (7.0 aurrekoak) eguneratzea EZ da onartzen. Kasu horretan, instalazio erabat berria egin beharko duzu, eta ez eguneraketa.

Azpian zerrendatzen dira Mandrakelinux instalatzeko bide desberdinak:

Abiarazi zuzenean CD-tik
Egin abiapen diskete bat Windows-ekin
Beste instalatzeko bideak

1. Abiarazi zuzenean CD-tik

Instalazioko CDROMa abiarazlea da. Gehienetan, CDa unitatean sartu eta berrabiarazi besterik ez. Pantailan agertuko zaizkizun aginduak jarraitu: sakatu [Sartu/Enter] tekla instalazioa hasteko, edo sakatu [F1] laguntza gehiago lortzeko.

OHARRA:

Zenbait konputagailu eramangarritan, sistema ezin da CD-tik abiatu. Kasu horretan, abiapen disketea prestatu behar zenuke. Begiratu 3 puntua xehetasunak ikusteko.

[orrialdearen goialdera]

2. Egin abiapen diskete bat Windows-ekin

Zure konputagailuak ezin badu CDROMetik abiatu eta aurreko metodoek ez badute eraginik, Windowsetik abiapen disketea egin behar duzu horrela:

Sartu CDROMa, gero "Nire Konputagailua" ("Mi pc") ikonoa zabaldu, eskuineko botoiaz sakatu CDROM unitatearen ikonoa eta "Ireki" hautatu
"dosutils" direktoriora joan eta klik-bikoitza egin "rawwritewin" ikonoari
sartu diskete hutsa diskete unitatean
hautatu "D:\images\cdrom.img" "Irudi-fitxategia" eremuan (zure CDROM unitatea "D:" dela suposatuz, bestela, "D:" ordezkatu dagokionarekin)
hautatu "A:" "disteke-unitatea" eremuan, eta gero sakatu "Idatzi".

Instalazioa abiatzeko:

sartu CD-ROMa unitatean,abiapen disketea bezalaxe, eta
konputagailua berrabiatu.

[orrialdearen goialdera]

3. Instalatzeko beste bideak

Edozein arrazoia medio, aurreko metodoek zure eskakizunak betetzen ez badituzte (sare instalazioa egin nahi duzu, pcmcia gailuetatik edo...), abiapen diskete bat sortu beharko duzu:

Linuxen (edo beste UNIX sistema modernoetan) idatzi gonbitan:
$ dd if=xxxxx.img of=/dev/fd0

Windowsen, 3 puntuan azaldutako metodoa jarraitu, baina xxxxx.img (begiratu behean) erabili cdrom.img-ren ordez.

DOSen, CD unitatea D: dela suposatuz, idatzi:
D:\>dosutils\rawrite.exe -f images\xxxxx.img -d A

Non "xxxxx.img" erabil daitezkeen irudietako bat den:

`cdrom.img`	instalatu CD-ROMetik
`hd.img`	instalatu disko-zurrunetik (Linux, Windows, edo ReiserFS fitxategi-sistema batetik
`network.img`	instalatu ftp/nfs/http-tik
`other.img`	instal oso gutxitan erabiltzen diren hardware gidariak erabiliz
`pcmcia.img`	instalatu pcmcia gailuetatik (oharra, sareko pcmcia moldagailu gehienak `network.img` irudiak zuzenean onartzen ditu)
`usb.img`	instalatu USB gailuetatik: USB sare moldagailuak saretik instalazioa gauzatzeko, edo USB CDROM/CDRW-ak cdrom instalazioa gauzatzeko
`blank.img`	instalatu zure Linux kernel propioa erabiliz

blank.img kernel instalazioa pertsonalizatzeko behar den irudi minimoa da.

[orrialdearen goialdera]

Testu moduko instalazioa ere erabil dezakezu baldin, edozein arrazoigatik, jatorrizko instalazio grafikoarekin arazorik baduzu. Hura erabiltzeko, sakatu [F1] Mandrakelinux harrera pantailan, gero idatzi text gonbitan.

Daukazun Mandrakelinux sistema erreskatatu beharrean bazabiltza, sartu zure instalazio CDROMa (edo dagokion abiapen disketea), sakatu [F1] Mandrakelinux harrera pantailan, gero idatzi rescue gonbitan.

Begiratu http://www.linux-mandrake.com/drakx/README informazio tekniko gehiago jasotzeko.

Hona hemen instalazioaren urrats nagusiak:

Sartu zure Instalazio CDROMa (edo instalazio disketea beharrezko balitz) eta berrabiatu zure makina.
Sakatu [Sartu/Enter] Mandrakelinuxen harrera pantaila agertzen denean eta jarraitu aginduak arretaz.
Instalazia burututakoan CD-ROMa hartu kanporatzen denean (eta unitatean legokeen edozein diskete); zure makina berrabiatuko da. Ez badu horrela egiten berrabiarazi eskuz.
Mandrakelinux abiatuko da. Abiapenaren ondoren, zure makinan saiora sar zintezke instalazioan sortutako kontuan, edo "root" bezala.

Ohar garrantzitsua:

"root" kontuak zure Linux sistemara mugarik gabeko sarrera emango dizu. Ez ezazu hori erabili Linux konfiguratzeko edo administratzeko ez bada. Eguneroko erabilerarako, erabiltzaile kontu arrunta erabili "userdrake" tresna erabiliz konfiguratu dezakezu, edo "adduser" eta "passwd" komandoekin.

Zorte ona izan Mandrakelinux erabiltzen !

[orrialdearen goialdera]

Instalazioari buruzko laguntza lortzeko begiratu Mandrakelinux banaketa zerrenda eta FAQak (MEG: Maiz Egindako Galderak) Mandrake-ren web gunean:

http://www.mandrakelinux.com/